تىيانشان تورى   ›   خەۋەر مەركىزى   ›   ئۈرۈمچى

يېڭى شەكىلدىكى كوچا ئاپتوبۇس بېكىتى ئۈرۈمچى كوچىلىرىدا نامايان بولدى

  شىنجاڭ تورى خەۋىرى: ئۈرۈمچى ئىقتىسادىي تەرەققىيات رايونى (تۇدۇڭخابا رايونى)دا يېقىندا يېڭى شەكىلدىكى كوچا ئاپتوبۇس بېكىتى نامايان بولدى. بېكەتتىكى بۇ يېڭى مەنزىرە ئەتراپ بىلەن بىرىكىپ تېخىمۇ گۈزەل كۆرۈندى. ئىگىلىنىشىچە، بۇ قېتىم 14 بېكەت مۇشۇنداق ياسالغان بولۇپ، بۇ بېكەتنىڭ قار-يامغۇردىن دالىلىنىش ئىقتىدارى ئادەتتىكى بېكەتكلەردىن يۇقىرى ئىكەن، كېچىدە تېخىمۇ كۆركەم كۆرۈنىدىكەن. ئۇنىڭدىن باشقا، ئىسسىنىش ساقلاش ئۆيىمۇ بېكەتنىڭ ئىچىدە ئىكەن.

 ئىگىلىنىشىچە، يېڭى شەكىلدىكى بېكەتنىڭ سىرتىغا چىرىشتىن، داتلىشىشتىن ساقلىنىدىغان ماتېرىياللار ئىشلىتىلگەن بولۇپ، بېكەتنىڭ بىخەتەر ۋە گۈزەل بولۇشى كاپالەتكە ئىگە قىلىنغان. ھازىرقى بېكەت لەمپىسىنىڭ كەڭلىكى 1.8 مېتىر بولۇپ، ئىلگىرىكى بېكەت لەمپىسىدىن 60 سانتىمېتىر ئۇزۇن ئىكەن. ئىسسنىش ساقلاش ئۆيىمۇ ئىلگىرىكى بېكەتنىڭكىدىن چوڭ بولىدىكەن. تەشۋىقات سىتونى بىلەن بېكەت كۆرسەتمىسى ئەتراپىغا نىئونلۇق چىراغ ئورنىتىلغانىكەن.

 ئىگىلىنىشىچە، بۇ 14 يېڭى شەكىلدىكى بېكەت گۈزەللەشتۈرۈش قۇرۇلۇشىنىڭ بىر قىسمى بولۇپ، ئۈرۈمچى شەھەرلىك ئاممىۋى قاتناش كىرا ئاپتوموبىل چەكلىك شىركىتى 1 مىليون 365 مىڭ يۈەن مەبلەغ ئاجراتقان.

مەسئۇل مۇھەررىر : راھىلە ئېزىز

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • يېڭىسارنىڭ تونۇر كاۋىپى
  • ئۈرۈمچى شەھىرى تىيانشان چوڭ جىلغىسى ساياھەت مەخسۇس لىنىيەسىنى ئاچتى
  • سايرام كۆلىنىڭ قىش مەنزىرىسى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى