شىنخۇا تورى خەۋىرى: ئەنگلىيە مەركىزىي بانكىسى، ئەنگلىيە بانكىسى 2-نويابىر ئۆلچەملىك ئۆسۈم نىسبىتىنى 25 ئاساسىي نۇقتىدىن % 0.5 گە ئۆستۈرىدىغانلىقىنى ئېلان قىلدى. بۇ ئەنگلىيە مەركىزىي بانكىسىنىڭ 10 يىلدىن بۇيان تۇنجى قېتىم ئۆسۈم ئۆستۈرۈشى ھېسابلىنىدۇ.
ئىگىلىنىشىچە، بۇ ئەنگلىيە مەركىزىي بانكىسىنىڭ 2007-يىلى ئىيۇلدىن كېيىنكى تۇنجى قېتىم ئۆسۈمنى ئۆستۈرگەنلىكى ھېسابلىنىدىكەن، ئەينى چاغدا ئۆلچەملىك ئۆسۈم نىسبىتى %5.75 گە يەتكەن بولۇپ، 2008-يىلى خەلقئارادا پۇل مۇئامىلە كىرىزىسى پارتلىغاندىن كېيىن، ئەنگلىيە مەركىزىي بانكىسىنىڭ ئۆسۈمى تۆۋەنلىگەن، ئالدىنقى يىلى ئەنگلىيە ئومۇمىي ئاۋازغا قويۇپ، ياۋروپا ئىتتىپاقىدىن چېكىنىدىغانلىقىنى ئېلان قىلغاندىن كېيىن، ئەنگلىيە مەركىزىي بانكىسىنىڭ ئۆسۈمى ئەينى چاغدىكى %0.5دىن تۆۋەنلەپ %0.25 گە چۈشكەن، بۇ ئەنگلىيە تارىخىدىكى ئەڭ تۆۋەن ئۆسۈم نىسبىتى دېيىلگەن.