پېشانە بىلەن كۆز ئەتراپى دائىم ئاغرىسا ئاشقازاندا مەسىلە كۆرۈلگەنلىكنىڭ بېشارىتى، ئاشقازاننىڭ ئىسسىقى ئېشىپ كەتسە ياكى ئاشقازاندا يەل بولسا، دائىم پېشانە ئاغرىيدۇ. پېشانە ئاشقازان نېرۋىلىرى بىلەن تۇتاش بولۇپ، ئىسسىقى ئېشىپ كەتكەنلەرنىڭ تىلى قىزىرىپ، ئاغزى قۇرۇپ، دائىم ئۇسسايدۇ ھەم ئاغزى پۇرايدۇ، ئاساسەن قەۋزىيەت بولىدۇ. ئاشقازاننىڭ ئىسسىقى ئېشىپ كەتكەنلەر يېمەك-ئىچمەكتە ئۆزىنى كونترول قىلىپ، مۇچ قاتارلىق ئىسسىقنى ئاشۇرىدىغان تېتىتقۇلارنى، گۆش، كۈدە، باش پىياز، ئانار، شاپتۇل، چىلان قاتارلىق يېمەكلىكلەرنى ئاز ئىستېمال قىلىپ، ھاراق ئىچمەسلىكى كېرەك. دائىم پېشانىسى ئاغرىيدىغانلار ئارام ئېلىشقا دىققەت قىلىپ، زىيادە ھېرىپ-چارچىماسلىقى، ئاسان ئاچچىقلانماسلىقى كېرەك.
«شىنجاڭ قانۇنچىلىق گېزىتى» دىن ئېلىندى