شىنخۇا تورى 21-سېنتەبىر خەۋىرى: پارىژدىكى بىناكارلىق ئۇستىسى ۋېنسېنت كاللېبائۇت فىلىپپىننىڭ يېڭى ئېكولوگىيە ساياھەت ئارامگاھى ئۈچۈن بىر تۈرلۈك لايىھە تەكلىپىنى ئوتتۇرىغا قويغان. ئۇنىڭ ئىلھامى تەبىئىي دېڭىز قىرغىقىدىن كەلگەن بولۇپ، ئۇ ئىمكانىيەتلىك سىجىل لايىھەلەش پىرىنسىپىنى كەڭ كۆلەمدە قوللانغان.
ئىگىلىنىشىچە، بۇ ئارامگاھنىڭ نىشانى ئورتاق ياشاش بولۇپ، ئارامگاھتا مۇھىت ئالىملىرى ئېكولوگىيەلىك ساياھەت ئارقىلىق مەبلەغ ياردىمىگە ئېرىشىدىكەن، ساياھەتچىلەر ۋە ئاھالىلەر بولسا تەجرىبىخانىدا ھاسىل بولغان ئىلىم-پەن بىلىملىرىنىڭ تەسىرىگە ئۇچرايدىكەن. بۇنىڭ بىلەن كۆڭۈل ئېچىش ۋە ئىلىم-پەن بوشلۇقى بىر ئىمارەت ئىچىدە بولۇپ، ئالىملار بىلەن ساياھەتچىلەر ئارىسىدا تېخىمۇ كۆپ ئالاقە ئورنىتىلىدىكەن.
پىراكتىكانت خالمۇرات غۇپۇر تەرجىمىسى
