مۇنبەر خەۋەر تېرمىنالى مەخسۇس سەھىپە دېھقانلار تورى يانفون گېزىتى ئۈندىدار سالونى
    ۋىلايەت – ئوبلاست خەۋەرلىرى

    كۇچا ناھىيەسىدە ئالدىنقى سەككىز ئايدا ئىشقا ئورۇنلاشقانلار 10مىڭ كىشىگە يەتتى

    ئامانگۈل2017-09-14 16:17:47شىنجاڭ گېزىتى

      ئابلىمىت ئەبەيدۇللا خەۋەر قىلىدۇ: كۇچا ناھىيەسى بۇ يىل كەسىپ ئارقىلىق نامراتلارنى يۆلەش ئۆتكىلىگە ھۇجۇم قىلىپ، يېزا – كەنت، شەھەر – بازارلاردىكى ئىشقا ئورۇنلاشمىغانلارنى تەربىيەلەشنى كۈچەيتىپ، 8 – ئاينىڭ ئاخىرىغىچە 10 مىڭ 94 كىشىنى كۇچا ئىقتىساد – تېخنىكا تەرەققىيات رايونىدا مۇقىم ئىشقا ئورۇنلاشتۇردى.

     چىمەن بازىرىدىكى سىدىق مىجىت كىچىكىدە كېسەل سەۋەبىدىن مېيىپ بولۇپ قالغان، ئائىلىسى نامرات ئىدى. بۇ يىل 3 – ئايدا ئۇ كىچىك، مىكرو كارخانىلارنىڭ ئىگىلىك تىكلەش رايونىدا كىيىم – كېچەك تىكىش كۇرسىغا قاتنىشىپ، ‹‹مەرىيەم›› كىيىم – كېچەك سودا چەكلىك مەسئۇلىيەت شىركىتىگە ئىشقا ئورۇنلاشتى.

     كۇچا ناھىيەسىدىكى كىچىك، مىكرو كارخانىلار ئىگىلىك تىكلەش رايونىغا 20 نەچچە كىيىم – كېچەك كارخانىسى جايلاشقان بولۇپ، بۇ كارخانىلار تەرەققىي قىلىپ زورايغاندىن كېيىن، ھۆكۈمەتنىڭ ياردىمىگە جاۋاب قايتۇرۇش ئۈچۈن تېخىمۇ كۆپ ئىش ئورنى يارىتىپ بەردى.

     كۇچا ئىقتىساد – تېخنىكا تەرەققىيات رايونى ئادەم كۈچى بايلىقى ۋە ئىجتىمائىي كاپالەت ئىدارىسىنىڭ باشلىقى سۇ بېيبېي مۇنداق دېدى: تەشۋىقات ئارقىلىق يېتەكلەش، كۇرس ئۇيۇشتۇرۇش، ئىش ئورنىنى بېكىتىش، ئىككى تەرەپنىڭ تەمىنلەش بىلەن ئېھتىياجىنى بىرلەشتۈرۈش، سىياسەتنى ئەمەلىيلەشتۈرۈش، سۇپا قۇرۇش ئارقىلىق بۇ يىل 8 – ئاينىڭ ئاخىرىغىچە تەرەققىيات رايونى تەۋەلىكىدىكى كارخانىلارغا ئىشقا ئورۇنلاشقانلار 10 مىڭ 94 كىشىگە يەتتى. بۇنىڭ ئىچىدە كىچىك، مىكرو كارخانىلارنىڭ ئىگىلىك تىكلەش رايونىدا ئىشقا ئورۇنلاشقانلار 603كە، ئارتۇق ئەمگەكچىلەرنى يۆتكەپ ئىشقا ئورۇنلاشتۇرۇشتا ئىشقا ئورۇنلاشقانلار 535 كىشىگە يەتتى. ئۇنىڭدىن باشقا بىز يەنە جانلىق ئىشقا ئورۇنلاشتۇرۇش ئارقىلىق تۇرۇشلۇق جايدىكى 2000دىن كۆپرەك ئەمگەكچىنى ئىشقا ئورۇنلاشتۇردۇق.

    ئەسكەرتىش:

    تورىمىزدىكى ئەسەرلەرنىڭ نەشىر ھوقۇقى شىنجاڭ ئۇيغۇر ئاپتونوم رايونلۇق ئاخبارات ئىشخانىسىغا تەۋە، ھەرقايسى تاراتقۇلار كۆچۈرۈپ تارقاتقاندا «تەڭرىتاغ تورى›› دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.