شىنجاڭ ئۇيغۇر ئاپتونوم رايونلۇق 15 - نۆۋەتلىك تەنھەرىكەت مۇسابىقىسى ھەم 11 - نۆۋەتلىك مىللەتلەر ئەنئەنىۋى تەنھەرىكەت مۇسابىقىسى

36 تال مېدالنىڭ كەينىدە تاختا ئاياغ ئەزىمەتلىرىنىڭ بوشاشماي كۆرسەتكەن تىرىشچانلىقى بار

ئاپتونوم رايونلۇق 15-نۆۋەتلىك تەنھەرىكەت مۇسابىقىسى ھەم 11-نۆۋەتلىك مىللەتلەر ئەنئەنىۋى تەنھەرىكەت مۇسابىقىسىنىڭ تاختا ئاياغدا تېز مېڭىش (مۇسابىقە) تۈرى قەشقەر كەسپىي تېخنىكا شۆيۈەنى تەنتەربىيە سارىيىنىڭ يېنىك ئاتلېتىكا مەيدانىدا باشلاندى. 100×4 مېتىرلىق ئارىلاش كۈچ ئۇلاش تۈرىدە، ئاقسۇ ۋىلايىتى ۋەكىللەر كوماندىسى باتۇرلۇق بىلەن ئېلىشىپ، 1-دەرىجىلىك مۇكاپاتقا ئېرىشتى. بۇنىڭ بىلەن، ئاقسۇ ۋىلايىتى ۋەكىللەر كوماندىسى تاختا ئاياغ بىلەن تېش مېڭىش تۈرىدە جەمئىي 36 مېدالغا ئېرىشتى.

ئالتە كۈنلۈك كەسكىن مۇسابىقىلىشىش ئارقىلىق ئات ئۈستى تۈرى مۇسابىقىسى ئاخىرلاشتى

ئەڭ ئاخىرقى بىر مەيدان ئوغلاق تارتىشىش مۇسابىقىسىنىڭ ئاخىرلىشىشىغا ئەگىشىپ، ئاپتونوم رايونلۇق 15-نۆۋەتلىك تەنھەرىكەت مۇسابىقىسى ھەم 11-نۆۋەتلىك مىللەتلەر ئەنئەنىۋى تەنھەرىكەت مۇسابىقىسىنىڭ ئات ئۈستى تۈرى ئالتە كۈن كەسكىن مۇسابىقىلىشىشتىن كېيىن، كورلا شەھىرى دۇڭگۇي بەيگە مەيدانىدا مۇۋەپپەقىيەتلىك ئاياغلاشتى. بۇ قېتىمقى مۇسابىقىنىڭ كۆلىمى زور بولدى، ئۈرۈمچى، ئىلى، قەشقەر قاتارلىق 13 ۋىلايەت، ئوبلاست، شەھەردىن كەلگەن 336 تەنھەرىكەتچى مۇسابىقىدە جەم بولدى، ئات بەيگىسى، ئوغلاق تارتىشىش، تۆگە بەيگىسىدىن ئىبارەت ئۈچ چوڭ مۇسابىقە تۈرى ۋە قىز قۇۋار، ئات ئۈستىدە كۈچ سىنىشىش، ئات چاپتۇرۇپ ئوقيا ئېتىش، ئات چاپتۇرۇپ خادا تېرىش قاتارلىق ئالاھىدە ماھارەت كۆرسىتىش تۈرلىرى تەسىس قىلىندى.

لۇڭجوۋ قولۋىقى مۇسابىقىسىدە، ئاقسۇ كوماندىسى 400 مېتىرغا تېز سۈرئەتتە ھەيدەش مۇسابىقىسىنىڭ ئەر، ئاياللار گۇرۇپپىسىدا قوش چېمپىيون بولدى

ئاپتونوم رايونلۇق 15-نۆۋەتلىك تەنھەرىكەت مۇسابىقىسى ھەم 11-نۆۋەتلىك مىللەتلەر ئەنئەنىۋى تەنھەرىكەت مۇسابىقىسىنىڭ لۇڭجوۋ قولۋىقى (مۇسابىقە) تۈرى قەشقەر شەھىرىنىڭ دۇڭخۇ كۆلى باغچىسىدا قىزغىن ئېلىپ بېرىلدى. ئىگىلىنىشىچە، بۇ نۆۋەتلىك مۇسابىقىدىكى لۇڭجوۋ قولۋىقى (فېڭجوۋ قولۋىقىنى ئۆز ئىچىگە ئالىدۇ) مۇسابىقىسى تۇنجى قېتىم مىللەتلەر ئەنئەنىۋى تەنھەرىكەت مۇسابىقىسىنىڭ مۇسابىقە تۈرىگە كىرگۈزۈلگەن بولۇپ، مۇسابىقە ئۈچ كۈن داۋاملىشىدىكەن، ئەرلەرنىڭ 200 مېتىر، 400 مېتىر، ئاياللارنىڭ 200 مېتىر، 400 مېتىر ۋە ئەر-ئاياللار ئارىلاشما گۇرۇپپىسىدىن ئىبارەت ئالتە كىچىك مۇسابىقە تۈرى تەسىس قىلىنغان بولۇپ، بەش ۋىلايەت، ئوبلاست، شەھەردىن كەلگەن 135 تەنھەرىكەتچى مۇسابىقىگە قاتنىشىدىكەن.

ئېگىز بوشلۇقتا قوڭغۇراق ئۇرۇش! ئالتاي ۋەكىللەر كوماندىسى ئىلەڭگۈچ تۈرىدە 1-دەرىجىلىك مۇكاپاتقا ئېرىشتى

　　ئىلەڭگۈچ شىنجاڭنىڭ رايون خاسلىقىغا ئىگە ئەنئەنىۋى ئاياللار ماھارەت تۈرى بولۇپ، 2006-يىلى تۇنجى تۈركۈمدىكى دۆلەت دەرىجىلىك غەيرىي ماددىي مەدەنىيەت مىراسلىرى ۋەكىللىك تۈرلىرى تىزىملىكىگە كىرگۈزۈلگەن. ئېگىز بوشلۇقتا ماھارەت كۆرسىتىش تۈرى بولۇش سۈپىتى بىلەن، ئىلەڭگۈچ تەنھەرىكەتچىلەرنىڭ بەدەن تەڭپۇڭلۇق ئىقتىدارى ھەمدە پىسخىك ساپاسىغا بىرقەدەر يۇقىرى تەلەپ قويىدۇ. ماھىرلار بوشلۇققا كۆتۈرۈلۈپ ئۇچۇش، ئېگىز بوشلۇقتا قوڭغۇراق ئۇرۇشتىن ئىبارەت مۇسابىقە شەكلى ئارقىلىق ھەرىكەت ئىشلەيدۇ، بۇ تۈر ماھارەت كۆرسىتىش قىممىتى ۋە تاماشا قىلىش قىممىتىگە ئىگە، شۇنداقلا ھەر نۆۋەتلىك مىللەتلەر ئەنئەنىۋى تەنھەرىكەت مۇسابىقىسىدىكى خاسلىققا ئىگە مۇسابىقە تۈرى ھېسابلىنىدۇ.

ئاپتونوم رايونلۇق 15-نۆۋەتلىك تەنھەرىكەت مۇسابىقىسى ۋە 11-نۆۋەتلىك مىللەتلەر ئەنئەنىۋى تەنھەرىكەت مۇسابىقىسى | «كىچىك گىگانت ئادەم»نىڭ چوڭ ئارزۇسى

«بۇ قېتىم ھەرقايسى جايلاردىكى ماھىرلار بىلەن بەسلىشىش ئارقىلىق مۇسابىقە تەجرىبىسى توپلىدىم، شۇنداقلا ئۆزۈمنىڭ يېتەرسىزلىكىنى بايقىدىم، بۇنىڭدىن كېيىن تېخىمۇ ياخشى ئوينايمەن» دېدى 8-ئاينىڭ 25-كۈنى بايىنغولىن موڭغۇل ئاپتونوم ئوبلاستى ۋەكىللەر كوماندىسىنىڭ ئەزاسى سېلمېگ. شۇ كۈنى، ئاپتونوم رايونلۇق 15-نۆۋەتلىك تەنھەرىكەت مۇسابىقىسى ھەم 11-نۆۋەتلىك مىللەتلەر ئەنئەنىۋى تەنھەرىكەت مۇسابىقىسىنىڭ ئاياللار ئۈچ كىشىلىك ۋاسكېتبول مۇسابىقە مەيدانىدا، سېلمېگ كىشىلەرنىڭ دىققىتىنى ئالاھىدە تارتتى. بۇ يىل 15 ياشقا كىرگەن ئۇنىڭ بوي ئېگىزلىكى 1.99 مېتىر بولۇپ، تېخنىكىسى پىششىق ئىدى.