جۇڭخۇا مىللىتى ئورتاق گەۋدىسى ئېڭىنى مۇستەھكەملەپ، سوتسىيالىستىك زامانىۋىلاشقان شىنجاڭ قۇرۇپ چىقايلى

ئانار گۈلى تىيانشاننىڭ ھەممە يېرىدە پورەكلەپ ئېچىلدى

2025 - يىلى 9 - ئايدا، باش شۇجى شى جىنپىڭ مەركەز ۋەكىللەر ئۆمىكىنى باشلاپ شىنجاڭ ئۇيغۇر ئاپتونوم رايونى قۇرۇلغانلىقىنىڭ 70 يىللىقىنى تەبرىكلەش پائالىيىتىگە قاتنىشىپ، مۇھىم سۆز قىلىپ، «جۇڭخۇا مىللىتى ئورتاق گەۋدىسى ئېڭىنى مۇستەھكەملەپ، سوتسىيالىستىك زامانىۋىلاشقان شىنجاڭ قۇرۇپ چىقايلى» دېگەن بېغىشلىمىنى ھەدىيە قىلدى، «جۇڭخۇا مىللىتى ئورتاق گەۋدىسى ئېڭىنى مۇستەھكەملەش، جۇڭخۇا مىللىتى ئورتاق گەۋدىسى قۇرۇلۇشىنى ئالغا سىلجىتىشنى زىچ چۆرىدەش كېرەك» دەپ تەكىتلىدى. باش شۇجى شى جىنپىڭنىڭ سەمىمىي تاپشۇرۇقىنى ئەستە چىڭ ساقلاپ، تىيانشاننىڭ جەنۇبى - شىمالىدا مىللەتلەر ئىتتىپاقلىقى - تەرەققىياتى بويىچە بەرپا قىلىش سىجىل چوڭقۇرلاشتۇرۇلدى، ھەر مىللەت ئامما بىللە ئولتۇراقلىشىش، بىللە ئۆگىنىش، بىللە ئىشلەش، بىللە كۆڭۈل ئېچىش داۋامىدا ھېسسىيات جەھەتتىن قەلبتىن ئېتىراپ قىلىشنى كۈچەيتتى، ئۆزئارا ھەمدەم بولۇش ھېكايىلىرى شىنجاڭ تۇپرىقىدا ئارقا - ئارقىدىن مەيدانغا كەلدى، ھەرقايسى مىللەتلەر ئانارنىڭ دانىسىدەك زىچ ئۇيۇشۇپ، سوتسىيالىستىك زامانىۋىلاشقان شىنجاڭ قۇرۇپ چىقىشنىڭ قۇدرەتلىك كۈچىنى مۇجەسسەملىدى.

تەكلىماكان قۇملۇقى گىرۋىكىدە كىتاب ئوقۇش ساداسى يىراقلارغا تارالدى

بۈگۈنكى كۈندە، ئۆسمۈرلەر سارىيى پەن - تېخنىكا ئۈستىدە ئىزدىنىش، سەنئەت ئىجادىيىتى، كۇرۇژۇك ئەمەلىيىتى قاتارلىق پائالىيەتلەرنى دائىملىق قانات يايدۇرۇپ، ئوقۇغۇچىلارنى مەكتەپتىن چىقمايلا كۆپ خىللاشقان، چۆكۈش شەكلىدىكى، ھېس قىلىش شەكلىدىكى ساپا مائارىپىنى قوبۇل قىلىش ئىمكانىيىتىگە ئىگە قىلدى. مەكتەپ باشتىن - ئاخىر جۇڭخۇا مىللىتى ئورتاق گەۋدىسى ئېڭىنى مۇستەھكەملەشنى مائارىپنىڭ پۈتكۈل جەريانىغا سىڭدۈردى. ساۋ جىخۇا «ئەخلاق ۋە قانۇنچىللىق» دەرسى ئوقۇتۇشىنى ئۈستىگە ئالدى. «جۇڭگو شىنجاڭ رايونىنىڭ تارىخى» «جۇڭگو شىنجاڭ رايونىنىڭ دىن تارىخى» ئېلان قىلىنغاندىن كېيىن، ئۇ كىتاب ئوقۇشنى ھەمبەھرىلەش يىغىنى قاتارلىق شەكىللەر ئارقىلىق، ئوقۇغۇچىلارنى شىنجاڭ تارىخىنى ئوقۇپ چۈشىنىپ، جۇڭخۇا مىللىتى ئورتاق گەۋدىسى ئېڭىنى مۇستەھكەملەشكە يېتەكلىدى.

تۈرلۈك كەسىپلەر گۈللەنگەن تىيانشان

تىيانشان جاسارەت بىلەن ئالغا ئىلگىرىلىگەن، ھەقىقىي تۇتۇپ ئەمەلىي ئىشلىگەن بەش يىل بولدى. مەۋقەنى بايلىق ئۈستۈنلۈكىگە قويۇپ، كەسىپ ئاساسىنى پۇختىلاپ، پارتىيە مەركىزىي كومىتېتى بېكىتىپ بەرگەن «بەش چوڭ ئىستراتېگىيەلىك ئورۇن بېكىتمىسى»نى نىشانلاپ، شىنجاڭ رايون خاسلىقىغا ئىگە يۇقىرى سۈپەتلىك تەرەققىيات يولى ئۈستىدە ئىزدەنمەكتە. غەربتە بىپايان قۇملۇقتىكى نېفىتلىك، شەرقتە چۆل - باياۋاندىكى «شامال، يورۇقلۇق»، جەنۇبتا تۈمەن گېكتار كېۋەزلىك، شىمالدا پورتتىكى قاينام - تاشقىنلىق بار، تەرەققىيات ئۇسۇلىنى ئۆزگەرتىدىغان، ئىقتىسادىي قۇرۇلمىنى قايتا بەرپا قىلىدىغان، ئېشىش ھەرىكەتلەندۈرگۈچ كۈچىنى ئالماشتۇرىدىغان بىر مەيدان دەۋر ئەمەلىيىتى 1 مىليون 660 مىڭ كىۋادرات كىلومېتىر كېلىدىغان مېھىرلىك تۇپراقتا ئومۇميۈزلۈك قانات يايدۇرۇلدى. تىيانشاننىڭ جەنۇبى - شىمالىدا، ئەمەلىي ئىشلەش ئارقىلىق بايلىق ئۈستۈنلۈكىنى كەسىپ ئەۋزەللىكىگە ئايلاندۇرۇشقا تۈرتكە بولۇنۇپ، بايلىق يوشۇرۇن كۈچى تاۋلىنىپ تەرەققىيات قۇۋۋىتىگە ئايلاندۇرۇلماقتا.

چوڭقۇر غەمخورلۇق بۇ تۇپراقتا يىلتىز تارتتى، تىيانشان جاسارەت بىلەن ئىلگىرىلىمەكتە

ۋاقىت دەرياسى ئۆركەشلەپ ئاقماقتا، ھەمىشە بەزى مۇھىم پەيتلەردە دەۋر ئىزناسى نەقىشلىنىپ، يېپيېڭى مۇساپە باشلىنىدۇ. پات ئارىدا ئېچىلىدىغان جۇڭگو كوممۇنىستىك پارتىيەسى شىنجاڭ ئۇيغۇر ئاپتونوم رايونلۇق 11 - قۇرۇلتىيى شىنجاڭنىڭ سىياسىي تۇرمۇشىدىكى بىر چوڭ ئىش، يېڭى تارىخىي ئورۇندا تۇرۇپ، بۇ بىپايان تۇپراق يەنە بىر قېتىم ئالدىنقىلارغا ۋارىسلىق قىلىپ، كېيىنكىلەرگە يول ئاچىدىغان ئاچقۇچلۇق تۈگۈننى كۈتۈۋالىدۇ. باسقان يولىمىزنى ئەسلىسەك، ھەر بىر نەتىجىگە تىرىشىپ كۈرەش قىلىش ئەجرى سىڭگەن؛ يېڭى مۇساپىگە نەزەر سالساق، ئالغا ئىلگىرىلەش يولىمىزدا يەنىلا دەھشەتلىك بوران - چاپقۇننىڭ سىنىقى بار. يېڭى ئىمتىھانغا بېرىش يولىدا، بىز قانداق قىلغاندا داۋاملىق كۈرەش قىلىپ، سوتسىيالىستىك زامانىۋىلاشقان شىنجاڭنى جاسارەت بىلەن قۇرۇپ چىقالايمىز؟

ئۆزئارا گىرەلىشىپ ئولتۇراقلىشىپ، بەخت مەنزىرىسىنى ئورتاق سىزىپ چىقىش

شىنجاڭ مەۋقەنى رايون ئەمەلىيىتى، مەھەللە تىپى ۋە ئاممىنىڭ ئېھتىياجىغا قويۇپ، جۇڭخۇا مىللىتى ئورتاق گەۋدىسى ئېڭىنى مۇستەھكەملەش ئاساسىي لىنىيەسىنى پۇختا ئىگىلەپ، «شىنجاڭ ئۇيغۇر ئاپتونوم رايونىنىڭ گىرەلەشمە شەكىلدىكى مۇكەممەل تۇرالغۇ مەھەللىسى قۇرۇش يېتەكچى قائىدىسى(سىناق تەرىقىسىدە يولغا قويۇلىدۇ)»نى ئېلان قىلىپ، پۈتۈن شىنجاڭدا بىخەتەر - ساغلام، ئەسلىھەلىرى مۇكەممەل، باشقۇرۇشى تەرتىپلىك، ئىتتىپاق - ئىناق بولغان گىرەلەشمە شەكىلدىكى مۇكەممەل تۇرالغۇ مەھەللىسى قۇرۇپ، ھەر مىللەت ئامما بىللە ياشاپ بىللە ئۆگىنىدىغان، ئورتاق قۇرۇپ ئورتاق بەھرىلىنىدىغان، بىللە ئىشلەپ بىللە كۆڭۈل ئاچىدىغان ياخشى كەيپىياتنىڭ يارىتىلىشىغا تۈرتكە بولدى.

تۈمەن چاقىرىم ئارىسىدا قائىدە - تۈزۈم ئوخشاش بولدى، ئويما يېزىق ۋە تامغا دۆلەتنىڭ بۈيۈك بىردەكلىك تارىخىغا گۇۋاھ بولدى

2800 كىلومېتىر، بۇ ۋېيخې دەرياسى قىرغىقىدىكى جوۋيۈەن بىلەن كوئېنلۇن بوستانلىقىنى كېسىپ ئۆتكەن ئارىلىق؛ 3000 يىللىق تارىخقا خې زۇندىكى بىرونزا بۇيۇملار دات ئىزلىرى بىلەن بەش يۇلتۇزلۇق كىمخابنىڭ بەش خىل رەڭدىكى ئۇزۇنلۇقى ۋە كەڭلىكى مۇجەسسەملەنگەن. «ئىككى جاي ئارىسىدىكى مەدەنىيەت يادىكارلىقلىرى سۆھبىتى» توغرىسىدىكى پۈتۈن تاراتقۇلۇق خەۋەر قىلىش بويىچە رايون ھالقىپ ئىزدەپ زىيارەت قىلىش داۋامىدا، باۋجى بىرونزا بۇيۇملار مۇزېيىدا ساقلىنىۋاتقان خې زۇن بىلەن شىنجاڭ مۇزېيىدا ساقلىنىۋاتقان «بەش يۇلتۇز چىقىپ شەرقتىن، ئامەت كەلدى جۇڭگوغا» دېگەن خەت كەشتىلەنگەن كىمخاب مۇھاپىزەت يەڭلىكى زامان - ماكان ھالقىپ بىر - بىرىگە قارىشىپ تۇردى، شۇنىڭ بىلەن بىر مەيدان چوڭقۇر مەدەنىيەت يادىكارلىقلىرى سۆھبىتى باشلاندى. بىر دانە بىرونزا بۇيۇم، بىر پارچە كىمخاب، بىر قېتىملىق باشلىنىش، بىر قېتىملىق جۇلالىنىش، بىر سوئال - بىر جاۋاب ئارىلىقىدا «نېمە ئۈچۈن جۇڭگو» دېگەن ئورتاق سوئال ئوتتۇرىغا قويۇلدى.

يۇغۇرۇلۇپ بىللە مەۋجۇت بولۇپ تۇرۇش شىنجاڭدىكى دىنلار مۇناسىۋىتىنىڭ ئاساسىي ئېقىمى

«دۆلىتىمىزدىكى ھەرقايسى مىللەتلەر ۋە دىنلار 5000 يىلدىن ئارتۇق مەدەنىيلىك تارىخى داۋامىدا يېتىلىپ تەرەققىي قىلغان» «جۇڭخۇا مەدەنىيلىكى قوينىدا، شىنجاڭدىمۇ ئەزەلدىن كۆپ خىل دىنىي ئېتىقاد تەڭ مەۋجۇت بولۇپ تۇرغان» «ئىناق بىللە ئۆتۈش، يۇغۇرۇلۇپ بىللە مەۋجۇت بولۇپ تۇرۇش شىنجاڭدىكى دىنلار مۇناسىۋىتىنىڭ ئاساسىي ئېقىمى، دىنلار مۇناسىۋىتىنىڭ ئىناقلىقىنى ئىلگىرى سۈرۈش شىنجاڭنىڭ مۇقىملىقى، گۈللىنىشىدىكى تارىخىي تەجرىبە»... «جۇڭگو شىنجاڭ رايونىنىڭ تارىخى» «جۇڭگو شىنجاڭ رايونىنىڭ دىن تارىخى»دا، شىنجاڭ رايونىنىڭ تارىختىن بۇيانقى دىنلار مۇناسىۋىتى جۇڭخۇا مەدەنىيلىكىنىڭ تارىخ رامكىسىغا قويۇپ رەتلىنىپ تەتقىق قىلىندى، بۇ، بىزنىڭ تارىخقا بولغان تونۇشىمىزنى ئايدىڭلاشتۇرۇپ، تارىخىي تەجرىبىلەرنى يەكۈنلەپ ۋە قوللىنىپ، شىنجاڭنىڭ دىن خىزمىتىنى ياخشى ئىشلىشىمىزنى مول، پۇختا تارىخىي پاكىت ۋە نۇقتىئىنەزەر ئاساسى بىلەن تەمىنلىدى.

شىنجاڭدىكى ھەرقايسى مىللەتلەر مەدەنىيىتى جۇڭخۇا مەدەنىيىتىنىڭ تەركىبىي قىسمى

ئۇزاق تارىخىي ئېقىندا، دۆلىتىمىزدىكى ھەرقايسى مىللەتلەر ۋەتىنىمىزنىڭ بىپايان زېمىنىنى ئورتاق ئېچىپ، بىرلىككە كەلگەن كۆپ مىللەتلىك دۆلەتنى ئورتاق بەرپا قىلىپ، پارلاق جۇڭگو تارىخىنى ئورتاق پۈتۈپ، شانلىق جۇڭخۇا مەدەنىيىتىنى ئورتاق يارىتىپ، ئۇلۇغ مىللەت روھىنى ئورتاق يېتىلدۈردى. «جۇڭگو شىنجاڭ رايونىنىڭ تارىخى» «جۇڭگو شىنجاڭ رايونىنىڭ دىن تارىخى»دا توغرا بولغان مەدەنىيەت قارىشىدا چىڭ تۇرۇلۇپ، نۇرغۇن تارىخىي پاكىتلار ئارقىلىق «شىنجاڭدىكى ھەرقايسى مىللەتلەر مەدەنىيىتى جۇڭخۇا مەدەنىيىتىنىڭ تەركىبىي قىسمى» ئىكەنلىكى تولۇق ئىسپاتلاندى، بۇ، بىزنىڭ جۇڭخۇا مىللىتى ئورتاق گەۋدىسى ئېڭىنى مۇستەھكەملىشىمىز، جۇڭخۇا مىللىتى ئورتاق گەۋدىسى قۇرۇلۇشىنى ئالغا سىلجىتىشىمىزنى پۇختا تارىخىي تونۇش ئاساسى بىلەن تەمىنلىدى.

تۈمەن چاقىرىم ئارىسىدىكى جايلاردا ئوخشاش ئۆرپ - ئادەت داۋاملاشتى، كىمخاب بىلەن كەشتە گۈزەل ھەم رەڭدار چاقنىدى

كولدۇرما ئاۋازى يىراقلارغا تارالدى، مەدەنىيەت تومۇرى ئۇزاق داۋاملاشتى. «ئىككى جاي ئارىسىدىكى مەدەنىيەت يادىكارلىقلىرى سۆھبىتى» چوڭ تىپتىكى پۈتۈن تاراتقۇلۇق خەۋەر قىلىش بويىچە ئىزدەپ زىيارەت قىلىش جەريانىدا، خەۋەر قىلىش كوللېكتىپى تاغ - دەريالارنى ئارىلاپ، تۈمەن چاقىرىم يىراقلىقتا بولسىمۇ يىلتىزى تۇتاشقان تۈركۈم - تۈركۈم مەدەنىيەت يادىكارلىقلىرىنىڭ زامان - ماكان ھالقىپ سۆھبەتلىشىشىنى تاماملىدى. نىيا خارابىسىدىن قېزىۋېلىنغان خەن سۇلالىسى دەۋرىدىكى كىمخاب بىلەن سىچۇەندىكى خۇالوۋدا توقۇلغان توقۇلما بۇيۇملار يىراقتىن بىر - بىرىگە ھۆسن قوشۇپ تۇراتتى؛ خېمۇدۇدىكى ئەجدادلار ئىجاد قىلغان تۇرۇمدىن بارلىققا كەلگەن ئەقىل - پاراسەت تۇرپاننىڭ تاڭ سۇلالىسى دەۋرىدىكى رەڭدار نەقىشلىك ياغاچ شىپاڭىدا مۇكەممەل قايتا نامايان بولدى؛

تۈمەن چاقىرىم ئارىسىدىكى جايلاردا ئوخشاش يېزىقنى قوللىنىش، قەلەم ۋە سىياھ بىلەن تاغ - دەريالاردا ئىز قالدۇرۇش

تۇرپان مۇزېيىدىكى چىراغ نۇرى ئاستىدا، سەبىيلىككە تولغان شېئىرىي مىسرالار يېزىلغان تاڭ سۇلالىسى دەۋرىدىكى بىر يۆگەم خەت مەشىق قىلىش قەغىزى يۈننەننىڭ خېبوسو خارابىلىكىدىن قېزىۋېلىنغان خەن سۇلالىسى دەۋرىدىكى «مۇھاكىمە ۋە بايان»نىڭ كەمتۈك بامبۇك تارىشاسى بىلەن ماكان ھالقىپ سۆھبەتلەشتى؛ ئاستانە قەدىمىي قەبرىلەر توپىدىن قېزىۋېلىنغان يۇرتىنى سېغىنىش سالام خېتىدىكى سىياھ ئىزلىرى خېشى كارىدورىدىكى چېگرا قاراۋۇللىرىنىڭ ياغاچ تارىشا پۈتۈكلىرى بىلەن يىراقتىن بىر - بىرىنى جۇلالاندۇردى؛ گېدېڭ تېغىدىكى كەڭ دالىدا قەد كۆتۈرۈپ تۇرغان ئوردىدا ياسالغان قەدىمىي ئابىدە بىلەن بېيجىڭ كۇڭزى بۇتخانىسىدىكى ئابىدىدە ئوخشاشلا ئابىدىگە خەت ئويۇپ خاتىرە قالدۇرۇش ئۇسۇلى ئارقىلىق، ۋەتەننىڭ بىرلىكىنى قوغداشتىكى ئورتاق ئەسلىمە ئويۇلدى...

تىيانشاندا شادلىق ناخشىسىنى ياڭرىتىپ، بىر مەقسەتتە ئارزۇنى ئىشقا ئاشۇرۇش

ئالتۇن كۈزدىكى 10 - ئايدا، تاغ - دەريالار گۈزەل تۈسكە كىردى؛ تىيانشاننىڭ جەنۇبى - شىمالىدا، شادلىق ناخشىسى دولقۇندەك مەۋج ئۇردى. بەش يۇلتۇزلۇق قىزىل بايراق شامالدا جەۋلان قىلدى، مول ھوسۇل شادلىقى شەھەر - يېزىلارنى قاپلىدى. جۇڭخۇا خەلق جۇمھۇرىيىتى قۇرۇلغانلىقىنىڭ 77 يىللىقىنى تەبرىكلەش ئۈچۈن، ھەرقايسى جايلار كۆپ خىل شەكىلدىكى، خاسلىققا ئىگە مەدەنىيەت پائالىيەتلىرىنى قانات يايدۇردى، ھەر مىللەت كادىرلار، ئامما بەس - بەستە قاتنىشىپ، كۆتۈرەڭگۈ ھالدا جاسارەت بىلەن ئالغا ئىلگىرىلەش قىياپىتىدە چوڭقۇر، قىزغىن دۆلەت مۇھەببىتىنى ئىزھار قىلدى. مەدەنىيەت كەيپىياتى شىنجاڭ تۇپرىقىنى ئوزۇقلاندۇرۇپ، تۈمەنلىگەن ئائىلىنىڭ گۈزەل تۇرمۇشىنى نۇرلاندۇردى.

نۇرلار چاقناپ دۆلىتىمىزنىڭ تۇغۇلغان كۈنى مەدھىيەلەندى، رەڭدار چىراغلار تاغ - دەريالارنى جۇلالاندۇردى

دۆلەت بايرىمىلىق دەم ئېلىش مەزگىلىدە، تىيانشاننىڭ جەنۇبى - شىمالىدا رەڭگارەڭ چىراغلار چاقنىدى، شەھەر يەر بەلگىلىرى، قەدىمىي شەھەر كوچىلىرى رەڭدار تۈسكە كىرىپ، چىراغ نۇرى كۆرگەزمىلىرى كېچە ئاسمىنىنى يورۇتۇپ، جۇلالىق نۇرلار ئارقىلىق ۋەتەنگە بولغان گۈزەل بەخت تىلەكلىرى بىلدۈرۈلدى. ھەر مىللەت ئامما ھەر تەرەپتىن كەلگەن ساياھەتچىلەر بىلەن بىللە رەڭگدارلىققا تولغان كېچە مەنزىرىسىنى سەيلە قىلىپ، رەڭگارەڭ نۇرلار ئىچىدە ۋەتەنگە بولغان سەمىمىي، قىزغىن مۇھەببىتىنى ئىزھار قىلدى، بىپايان شىنجاڭ تۇپرىقىدا قويۇق دۆلەت مۇھەببىتى مەۋج ئۇردى.

«سۆيىمەن سېنى جۇڭگو»

10 - ئاينىڭ 1 - كۈنى، جۇڭخۇا خەلق جۇمھۇرىيىتى 77 يىللىق تۇغۇلغان كۈنىنى كۈتۈۋالدى. بۇ يىل «15 - بەش يىل»نىڭ باشلىنىش يىلى، شىنجاڭدىكى ھەرمىللەت خەلق قول تۇتۇشۇپ بىر مەقسەتتە بولۇپ، جاسارەت بىلەن كۆرەش قىلدى، تىيانشاننىڭ جەنۇبى - شىمالى گۈللەپ ياشنىدى. كۆتۈرۈلۈۋاتقان تاڭ قۇياشىنى كۈتۈۋېلىپ، ھەرقايسى جايلار داغدۇغىلىق دۆلەت بايرىقى چىقىرىش مۇراسىمى ئۆتكۈزدى. بەش يۇلتۇزلۇق قىزىل بايراقلار، «سۆيىمەن سېنى جۇڭگو» دېگەن سادالار تىيانشان ئوغۇل - قىزلىرىنىڭ ۋەتەنگە بولغان ئەڭ سەمىمىي يۈرەك ساداسىنى، ئەڭ چوڭقۇر مۇھەببەتكە تولغان بەخت تىلىكىنى ئىپادىلىدى.

شىنجاڭ ئەزەلدىن جۇڭگونىڭ ئايرىلماس بىر قىسمى

جەمئىيەت تەرەققىياتىنىڭ ئاساسىي داۋلىسىنى چۈشىنىش، تارىخىي ئومۇمىي ۋەزىيەتنى ئىگىلەش ئۈچۈن جەزمەن ئالدى بىلەن تارىخنى تەتقىق قىلىش كېرەك. يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرى ئەمەلىيلىشىپ يىلتىز تارتىپ، شىنجاڭنىڭ جەمئىيەت مۇقىملىقى ۋە ئەبەدىي ئەمىنلىك ئۇلى سىجىل پۇختىلىنىپ، ھەر مىللەت خەلق جاسارەت بىلەن سوتسىيالىستىك زامانىۋىلاشقان شىنجاڭ قۇرۇپ چىقىۋاتقان پەيتتە، «جۇڭگو شىنجاڭ رايونىنىڭ تارىخى» «جۇڭگو شىنجاڭ رايونىنىڭ دىن تارىخى» رەسمىي نەشر قىلىنىپ، «تۈنۈگۈنكى شىنجاڭ»دىن «بۈگۈنكى شىنجاڭ»غىچە بولغان تەرەققىيات ئۆزگىرىش جانلىق بايان قىلىندى، بۈيۈك بىردەكلىككە ئىگە دۆلەتنى ئىدارە قىلىش سىستېمىسىدا شىنجاڭنىڭ گۈللەنگەن، تەرەققىي قىلغانلىقىدىن ئىبارەت شانلىق تارىخىي داستان ۋە كۆپ خىل دىن بىللە مەۋجۇت بولۇپ تۇرۇش ئەندىزىسىنىڭ ئۆزگىرىش تارىخىي مەنزىرىسى سىستېمىلىق نامايان قىلىندى، جۇڭگو كوممۇنىستىك پارتىيەسىنىڭ شىنجاڭنى ئىدارە قىلىش شانلىق مۇساپىسى چوڭقۇر بايان قىلىندى، يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنىڭ مۇۋەپپەقىيەتلىك ئەمەلىيىتى ئومۇميۈزلۈك نامايان قىلىندى، بۇ، دۇنيانى «نېمە ئۈچۈن جۇڭگو» «نېمە ئۈچۈن شىنجاڭ»نىڭ تارىخىي لوگىكىسىنى يەنىمۇ ئىگىلەش ۋە چۈشىنىش ئىمكانىيىتىگە ئىگە قىلدى.

ئانار قىزاردى

كۈزلۈك كۈن - تۈن تەڭلىشىش مەۋسۇمى ئەمدىلا ئۆتۈپ كېتىشىگە، شىنجاڭ قەشقەر كۈزلۈك يىغىم ئالدىراشچىلىققا چۆمدى، مېۋە - چېۋىلەرنىڭ خۇش ھىدى ھەر تەرەپكە تارالدى. قەشقەر شەھىرىنىڭ شەرقىي شىمال يۆنىلىشى، بەشكېرەم يېزىسىدىكى ئانارلىق باغدا قىپقىزىل، مەي باغلاپ پىشقان ئانارلارنى شاخلىرى كۆتۈرەلمەي قالغانىدى. «ساۋاقداشلار، قاراڭلار، بۇ ئانار دانىلىرى زىچچىدە چاپلىشىپ تۇرىدۇ. جۇڭخۇا مىللىتى چوڭ ئائىلىسىدە، كۆپچىلىك ئانارنىڭ دانىسىغا ئوخشاش قان قېرىنداش بولۇپ، ئايرىلمايدۇ. مىللەتلەر ئىتتىپاقلىقى ھەر مىللەت خەلقنىڭ جان تومۇرى.» 9 - ئاينىڭ 21 - كۈنىدىن 27 - كۈنىگىچە، «جۇڭخۇا خەلق جۇمھۇرىيىتىنىڭ مىللەتلەر ئىتتىپاقلىقى - تەرەققىياتىنى ئىلگىرى سۈرۈش قانۇنى» يولغا قويۇلغاندىن كېيىنكى تۇنجى مىللەتلەر ئىتتىپاقلىقى - تەرەققىياتى تەشۋىقات ھەپتىلىكى. 9 - ئاينىڭ 24 - كۈنى چۈشتىن بۇرۇن، قىپقىزىل ئانارلىق باغدا، شېنتا ئوتتۇرا مەكتىپىنىڭ تارىخ ئوقۇتقۇچىسى ئارزۇگۈل ئارمان سۆزنى بىر ئاناردىن باشلاپ، ئوقۇغۇچىلارغا بىر قېتىملىق جانلىق ئىدىيەۋى - سىياسىي دەرس ئۆتتى. ئارزۇگۈل مۇنداق دېدى: «33 يىللىق كىشىلىك ھايات كەچۈرمىشىمدە، ھەرقايسى مىللەتلەرنىڭ ئانارنىڭ دانىسىدەك زىچ ئۇيۇشۇشىنىڭ ئىللىقلىقى ۋە كۈچىنى چوڭقۇر ھېس قىلدىم.»

ئۇلنى چىڭىتىپ روھنى تاۋلاش، تاغ - دەريالار بىر مەقسەتتە بولۇش

سەمىمىي تاپشۇرۇق چوڭقۇر مەنىلىك ۋە چىن ھېسسىياتقا تولغانىدى؛ يېڭى يولدا جاسارەت بىلەن ئىلگىرىلەپ، مەزمۇت قەدەم تاشلاندى. بىر يىلدىن بۇيان، شىنجاڭدا يۇقىرىدىن تۆۋەنگىچە جۇڭخۇا مىللىتى ئورتاق گەۋدىسى ئېڭىنى مۇستەھكەملەشتىن ئىبارەت ئاساسىي لىنىيە زىچ چۆرىدىلىپ، جەمئىيەت ئومۇمىيىتى سىجىل مۇقىم ياخشىلىنىپ، مىللەتلەر ئىتتىپاقلىقى ئۈزلۈكسىز مۇستەھكەملىنىپ، «جۇڭگو قەلبى، جۇڭخۇا روھى» تىيانشاننىڭ جەنۇبى - شىمالىدا چوڭقۇر يىلتىز تارتتى، بىپايان چېگرا رايوندىكى ھەممىلا جايدا ئىتتىپاقلىشىپ جاسارەت بىلەن ئىلگىرىلەۋاتقان، جۇش ئۇرۇپ يۇقىرى ئۆرلەيدىغان تۈرلۈك - تۈمەن يېڭى قىياپەت بارلىققا كەلدى.

مەسىلىنى ھەل قىلىش ئۈستىدە ئىزدىنىش، ئەمەلىي ئىشلەش ئارقىلىق جاۋاب بېرىش

بىر يىلدىن بۇيان، تىيانشاننىڭ جەنۇبى - شىمالى تاپشۇرۇقنى ئەستە چىڭ ساقلاپ، مىننەتدار بولۇپ جاسارەت بىلەن ئىلگىرىلىدى، ئاپتونوم رايونلۇق پارتىيە كومىتېتى پۈتۈن شىنجاڭدىكى ھەر مىللەت خەلقنى ئىتتىپاقلاشتۇرۇپ، يېتەكلەپ، يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا، ئومۇميۈزلۈك ئىزچىللاشتۇرۇپ، جەمئىيەت مۇقىملىقى ۋە ئەبەدىي ئەمىنلىك خىزمەت باش نىشانىنى مەھكەم ئىگىلەپ، جۇڭخۇا مىللىتى ئورتاق گەۋدىسى ئېڭىنى مۇستەھكەملەشتىن ئىبارەت ئاساسىي لىنىيەنى زىچ چۆرىدەپ، پارتىيە مەركىزىي كومىتېتى شىنجاڭغا بېكىتىپ بەرگەن «بەش چوڭ ئىستراتېگىيەلىك ئورۇن بېكىتمىسى»نى نىشانلاپ، تەرەققىيات بىلەن خەۋپسىزلىكنى تېخىمۇ ياخشى بىرتۇتاش پىلانلاپ، ئىسلاھات، تەرەققىيات، مۇقىملىققا دائىر تۈرلۈك خىزمەتلەرنى پۇختا ياخشى ئىشلەپ، جۇڭگوچە زامانىۋىلاشقان شىنجاڭ قۇرۇلۇشىدا يېڭى پۇختا نەتىجىلەرنى قولغا كەلتۈردى.