1000 مېگابايتلىق تور «جۇڭگونىڭ غەربىي قۇتۇپى»نى نۇرلاندۇردى
«ئىلگىرى <كىشىلەرنىڭ نەزەرى چۈشمىگەن جاي> بولغان بولسا، ھازىر ساياھەتچىلەر سانى شىددەت بىلەن ئاشتى.» 2 - ئاينىڭ 5 - كۈنى، ئۇلۇغچات ناھىيەسى جىغىن يېزىلىق پارتىيە كومىتېتىنىڭ شۇجىسى ما شياۋلياڭ ھاياجانلانغان ھالدا مۇخبىرلار بىلەن خۇش خەۋەردىن ھەمبەھرىلەندى، «تور تەشۋىقاتىغا تايىنىپ، يېزىمىز كۈتۈۋالغان ساياھەتچىلەر ئاندا - ساندا كېلىشتىن كۆپىيىپ، بۇلتۇر 210 مىڭ 600 ئادەم قېتىمغا يەتتى». 2023 - يىلى 8 - ئايدا، ما شياۋلياڭ جىغىن يېزىسىغا بېرىپ ۋەزىپە ئۆتىدى، ئۇ غەربىي قۇتۇپ مۇنارىغا بېرىپ تەكشۈرۈپ تەتقىق قىلغاندا، مۇنار ئەتراپىدا تور سىگنالى يوقلۇقىنى، مۇنارغا كىرگەن ھامان ئالاقىنىڭ ئۈزۈلۈپ قالىدىغانلىقىنى بايقىدى، «ساياھەتچىلىكنى تەرەققىي قىلدۇرۇش ئۈچۈن تور تىرىكى بولمىسا قانداق بولىدۇ؟» ما شياۋلياڭ دەرھال خەۋەرلىشىش تىجارەت كارخانىلىرى بىلەن ئالاقىلىشىپ، ئالدى بىلەن شىنجاڭ تېلېگرافى بىلەن ئۇدۇللاشتى، قارشى تەرەپ شۇ ھامان دەرھال ئورۇنلاشتۇرما قىلىپ ھەل قىلىدىغانلىقى توغرىسىدا ئىنكاس قايتۇردى.
