باھار بايرىمىدا ئاساسىي قاتلامغا بېرىش

تىيانشاننىڭ جەنۇبى-شىمالى قويۇق باھار بايرىمى كەيپىياتىغا چۆمدى

ئات يىلىدىكى باھار بايرىمىدا، شىنجاڭ تۇپرىقى باھار تۈسىگە چۆمۈپ، مەدەنىيەت، تەنتەربىيە، ساياھەت قىزغىن دولقۇنى تىيانشاننىڭ جانۇبى-شىمالىدا مەۋج ئۇردى.مۇزېيلار ئادەمگە لىق تولدى، مەدەنىيەت يادىكارلىقلىرى بىلەن باھار بايرىمى ئۆرپ-ئادەتلىرى بىر-بىرىنى جۇلالاندۇردى، كىشىلەر تارىخنىڭ ئۇزاق ئېقىنىدا مەدەنىيەت يىلتىزى بىلەن ئۇچراشتى؛ شىنجاڭنىڭ ھەرقايسى جايلىرىدا سەييارە كوچا ئويۇنلىرى قىزىپ كەتتى، لۇڭ ئۇسسۇلى، شىر ئۇسسۇلى، ياغاچ پۇتتا مېڭىش، ياڭگىر ئۇسسۇلى كەينى-كەينىدىن ئورۇنلاندى، 4000 كىلومېتىردىن ئارتۇق يىراقلىقتىكى يىراقتىن كەلگەن يىڭگې ئۇسسۇلى تاغ-دەريالاردىن ھالقىپ كەلدى، جاراڭلىق دۇمباق سادالىرى كۆپ خىللىق بىر گەۋدىلەشكەن جۇڭخۇا مەدەنىيىتىنىڭ سالاپىتىنى جانلىق نامايان قىلدى. جۇڭخۇا ئەنئەنىۋى باھار بايرىمى ئۆرپ-ئادەتلىرى كوچا-كويلارنى قاپلاپ، مەدەنىيەت تومۇرى خۇددى ناخشىدەك لەرزان ياڭراپ، يېڭى باھارنىڭ مۇقەددىمىسىنى ئاچتى.

بۇ باھار بايرىمىدا، ئۇلار يېڭى مېۋە - كۆكتاتلارنى تاموژنىدىن تېز ئۆتكۈزۈش ئۈچۈن مىنۇت - سېكۇنتنى قولدىن بەرمىدى

باقتۇ پورتى دۆلىتىمىزنىڭ قازاقىستانغا يۈزلەنگەن، ئوتتۇرا ئاسىيا ھەم ياۋروپانى تۇتاشتۇرىدىغان مۇھىم يولى بولۇپ، يۇقىرى ئۈنۈملۈك، قولايلىق تاموژنىدىن ئۆتكۈزۈش مۇھىتى ۋە مۇكەممەل چېگرا ھالقىغان ئەشيا ئوبوروتى سىستېمىسى بولغاچقا، كىشىلەر «ئوتتۇرا ئاسىيا سودا كارىدورى» دېگەن گۈزەل نام بىلەن ئاتىغان. ھەر كۈنى، پۈتۈن مەملىكەتتىكى شىنجاڭ، خېنەن، فۇجيەن قاتارلىق ئاساسلىق ئىشلەپچىقىرىش رايونلىرىدىن كەلتۈرۈلگەن ئەلا سۈپەتلىك مېۋە - كۆكتاتلار بۇ جايدا توپلىنىپ، يۇقىرى ئۈنۈملۈك، راۋان پورت يولى ئارقىلىق قازاقىستان قاتارلىق ئوتتۇرا ئاسىيا دۆلەتلىرى ھەم رۇسىيە قاتارلىق جايلارغا ئۈزلۈكسىز توشۇلىدۇ.

باھار بايرىمىدا ئىش ئورنىدا چىڭ تۇرۇپ ئىشلەۋاتقان مۇزېي چۈشەندۈرگۈچىسى يىپەك يولى تارىخىنى جانلىق سۆزلىدى

بۇ يىل بايىنغولىن ئوبلاستلىق مۇزېي ئادەتتىن تاشقىرى قىزىپ كەتتى. خېبېي ئۆلكىسىنىڭ شىنجاڭغا ياردەم بېرىش خىزمىتى ئالدىنقى سەپ قوماندانلىق ئىشتابىنىڭ ماسلاشتۇرۇشى بىلەن، خېبېي مۇزېيى «بۈيۈك خەن سۇلالىسىنىڭ ھەيۋىتى − خەن سۇلالىسى دەۋرىدىكى خان جەمەتى نادىر مەدەنىيەت يادىكارلىقلىرى كۆرگەزمىسى» بۇ مۇزېينىڭ 5 - قەۋىتىگە ماكانلاشقان بولۇپ، خەن سۇلالىسى دەۋرىدىكى 91 يۈرۈش (221 دانە) نادىر مەدەنىيەت يادىكارلىقلىرى مەركەزلىك نامايان قىلىندى، چاڭشىن گۈللۈك پانۇسى، ليۇ يەن ئالتۇن رەڭدە ھەل بېرىلگەن مىس قاشتاش كىيىم قاتارلىق دۆلەت گۆھەرلىرى بايىنغولىن ئوبلاستىنىڭ شۇ جايدىكى مەدەنىيەت يادىكارلىقلىرى بىلەن ئۆزئارا ھۆسن قوشۇپ تۇراتتى. كۆرگەزمە 3 - ئاينىڭ باشلىرىغىچە داۋاملىشىدۇ، شۇنداقلا بۇ مۇزېينى باھار بايرىمىلىق مەدەنىيەت يادىكارلىقلىرى - مۇزېي ئېقىمىنىڭ يۇقىرى پەللىسىنى كۈتۈۋېلىش ئىمكانىيىتىگە ئىگە قىلىدۇ. يەن يىلې ۋە ئۇنىڭ خىزمەتداشلىرىنىڭ خىزمىتى تېخىمۇ ئالدىراش بولۇپ كەتتى.

تاغ - دەريالاردىن ھالقىغان بىر مەيدان باھار بايرىمىلىق ئۇچرىشىش

«موما، باھار بايرىمىڭىزغا مۇبارەك بولسۇن!» ئىللىق قۇياش نۇرى ۋەتىنىمىزنىڭ غەربىي قۇتۇپىدىكى تۇپراققا چۈشۈپ تۇراتتى، 2 - ئاينىڭ 20 - كۈنى، ئۇلۇغچات ناھىيەسىنىڭ جىغىن يېزىسى ساز كەنتىدىكى بۇرماقان مولدو موماينىڭ ئۆيىدىن كۈلكە ئاۋازلىرى ئاڭلىنىپ تۇراتتى. جياڭسۇ ئۆلكىسى چاڭجوۋ شەھەرلىك جۈچيەنجيې باشلانغۇچ مەكتىپىنىڭ ئوقۇغۇچىسى جۇڭ شىرۇي ۋە ئۇنىڭ ئائىلىسىدىكىلەر يىراقتىن كېلىپ، باھار بايرىمىلىق ئەڭ سەمىمىي تىلەكلىرىنى «خەلق نەمۇنىچىسى» بۇرماقان مولدوغا يەتكۈزدى.

نەنسەندىكى ئائىلىۋى مېھمانخانىغا مۇجەسسەملەنگەن ئىككى ئارزۇ

باھار بايرىمىنىڭ 3 - كۈنى سەھەر، قۇشلارنىڭ ۋىچىرلىغان ئاۋازى دەرەخ شاخلىرىدىن ئۆتۈپ لەمپىگىچە ئاڭلاندى، يەنە شەنچيەن يۈخوۋ ئائىلىۋى مېھمانخانىسىغا تارالدى، يىراقتىكى بوغدا چوققىسى سەھەردىكى تۇمانغا ئورالغان بولۇپ، ئۈرۈمچى ناھىيەسى شۇيشىگوۋ بازىرىنىڭ پىڭشىلياڭ كەنتى كىشىلەر ئۆزىنىڭ نەپەس ئالغان ئاۋازىنى ئاڭلىيالىغۇدەك جىمجىتلىققا چۆمگەنىدى. «باشقۇرغۇچى، ناشتىلىق تەييار بولدىمۇ؟ ناشتا قىلىپ بولۇپلا قار تېيىلغىلى بارىمىز» دەپ سورىدى بىر نەچچە ياش چاڭغىلىرىنى كۆتۈرگىنىچە كۈلۈپ تۇرۇپ. ئۇلار نەچچە كۈن ئىلگىرى چېڭدۇدىن ئايروپىلانغا ئولتۇرۇپ كەلگەن قار تېيىلىش ھەۋەسكارلىرى بولۇپ، چاڭغىلىرىدا تېخى تازىلاشقا ئۈلگۈرمىگەن قارلار چاپلىشىپ تۇراتتى.