سۇنى ئىدارە قىلىش، سۇچىلىقنى گۈللەندۈرۈشتىن شىنجاڭغا نەزەر

سۇ تىيانشاننى ئوزۇقلاندۇرۇپ، چېگرا رايونغا بەخت ئېلىپ كەلدى

كىچىك-كىچىك ئېقىنلار ئاخىر دەريا بولۇپ قوشۇلۇپ، شىنجاڭدىكى ھەر مىللەت ئوغۇل-قىزلىرىنىڭ قەلبىنى سۇغاردى. «سۇ ئىشلىرى»نى ياخشى ئىشلەش شىنجاڭنىڭ چۆل-باياۋانلىرىنى مۇنبەت ئېتىزغا ئايلاندۇردى، پەن-تېخنىكا ئارقىلىق ئېنېرگىيە ھاسىل قىلىدىغان رەقەملىك قوشكېزەك سۇپا ئارقىلىق سۇ سۈپىتىنى كۆزىتىشنى ئېنىق كۆرگىلى بولىدىغان قىلدى، تىيانشاننىڭ جەنۇبى ۋە شىمالىنىڭ ھەممە يېرىدە سۇ ئارقىلىق گۈللەنگەن تەبەسسۇمنى كۆرگىلى، كۈندىن-كۈنگە كېڭىيىۋاتقان بوستانلىقنى تېخىمۇ كۆرگىلى بولىدۇ.

يۈز يىللىق چوڭ ئۆستەڭ «گۈزەل بوستانلىق»نى بەرپا قىلدى

چاپچال شىبە ئاپتونوم ناھىيەسىنىڭ كان يېزىسى ئۆرۈك چېچىكى كەنتىدە، تەخمىنەن 100 كىلومېتىر كېلىدىغان سۈنئىي ئۆستەڭ ئىلى دەرياسىدىن بۆلۈنۈپ چىقىپ، شەرقتىن غەربكە قاراپ ئەگرى - بۈگرى ئاقىدۇ. ئۆستەڭنىڭ ئىككى ياقىسىدا مەجنۇنتاللار شامالدا ئىرغاڭلاپ تۇرىدۇ، ھەر خىل سۇ قۇشلىرى بۇ جايدا ماكانلىشىدۇ، ئۆستەڭ سۈيى ۋادىدىكى 12 يېزا - بازار، مەيداننىڭ 340 مىڭ مودىن ئارتۇق يېرىنى سۇغىرىپ كەلمەكتە. شاللار بولۇق ئۆسكەن بولۇپ، جەنۇبىي شىمال چوڭ پىراۋراكى، شياۋلۇڭشيا، جۇڭخۇا تۈكلۈك قىسقۇچپاقىسى كۆلچەكلەردە ساغلام ئۆسۈپ يېتىلمەكتە، پارچە - پارچە شاللىقنىڭ سۈرەتتەك مەنزىرىسى نۇرغۇن ساياھەتچىنى بۇ يەرگە كېلىپ سۈرەتكە چۈشۈپ داكا قىلىشقا جەلپ قىلماقتا.

تاتلىق سۇ ئىچكەندە ئاشۇ ئالىيجاناب كىشىنى ئەسلەش

2020 - يىلى 5 - ئاينىڭ 11 - كۈنىدىن ئىبارەت بۇ كۈن پەيزاۋاتتىكى 460 مىڭ كىشىنىڭ قەلبىگە چوڭقۇر ئورناپ كەتتى − مۇزتاغ چوققىسىدىن كەلگەن قار - مۇز سۈيى 112 كىلومېتىرلىق سۇ يەتكۈزۈش تۇرۇبا لىنىيەسى ئارقىلىق، تۇنجى قېتىم مىڭلىغان - تۈمەنلىگەن ئائىلىلەرگە يەتكۈزۈلدى. كىشىلەرنىڭ قىرتاق شورلۇق سۇغا بولغان ئەسلىمىسى قانچە چوڭقۇر بولسا، تاتلىق سۇ ئېتىلىپ چىققان شۇ دەقىقىدە شۇنچە شاد - خۇراملىققا چۆمدى. كىشىلەر جۈمەكنى چۆرىدەپ تەنتەنە قىلىشىپ سەكرىشىپ كەتتى، خۇشال بولۇپ كۆز يېشى قىلدى. ئېقىپ چىققان بۇ تاتلىق سۇ قىرتاق سۇ ئىچىپ ئۆتكەن يىللارنىڭ ئاخىرلىشىش نۇقتىسى، تېخىمۇ مۇھىمى بەختلىك تۇرمۇشنىڭ باشلىنىش نۇقتىسى.

سۇنى ئىدارە قىلىش، سۇچىلىقنى گۈللەندۈرۈشتىن شىنجاڭغا نەزەر | ماناس دۆلەت سۇلۇق يەر باغچىسى: «بىر كىچىك ئېرىق»تىن «پەسىل قۇشلىرىنىڭ گۈزەل ماكانى»غىچە

ماناس دۆلەت سۇلۇق يەر باغچىسىنىڭ پىلاندىكى ئومۇمىي كۆلىمى 47.02 كىۋادرات كىلومېتىر بولۇپ، ھەر يىلى ماناس دەرياسى ئارقىلىق باشلىنىدىغان سۇ 9 مىليون 660 مىڭ كۇب مېتىردىن كەم بولمايدۇ، 2023-يىلىدىن 2024-يىلىغىچە، سۇلۇق يەر باغچىسىغا ئېكولوگىيەلىك تولۇقلانغان سۇ جەمئىي 33 مىليون 30 مىڭ كۇب مېتىر بولغان. كەڭ كەتكەن سۇ رايونى سۇلۇق يەردىكى ئۆسۈملۈك، ھايۋانلارنى ئەۋزەل ياشاش مۇھىتىغا ئىگە قىلدى، ئەتراپتىكى ئاممىمۇ بەس-بەستە بۇ يەرگە كېلىپ سالقىنداپ ئارام ئالىدىغان بولدى.

بەخت دەرياسى - كۆلىنىڭ بەخت شىفىرى

2013 - يىلىدىن 2023 - يىلىغىچە، غۇلجا ناھىيەسى 327 مىليون يۈەن مەبلەغ سېلىپ، شىمالىي تاغ 12 دەريا بويى (جىلغا)نى كېسىپ ئۆتىدىغان كەنت، ئاھالىلەر نۇقتىلىرى، ئېتىزلارنىڭ نۇقتىلىق بۆلەكلىرىدە، 88.87 كىلومېتىر ئۇزۇنلۇقتىكى كەلكۈندىن مۇداپىئەلىنىش توسمىسى ياساپ، دەريا بويى (جىلغا)دىكى كەلكۈن ئاپىتىنى ئۈنۈملۈك تىزگىنلىدى. جىرغىلاڭ دەرياسىنى ئۇدا كۆپ يىل سىستېمىلىق تۈزەش ئارقىلىق، يۇقىرى ئېقىندا سۇ - تۇپراقنىڭ ئېقىپ كېتىشىنىڭ كۈچەپ ئالدىنى ئېلىش، ئوتتۇرا ئېقىندا ساھىل سۇ بوشلۇقىنى ئەلالاشتۇرۇش، تۆۋەن ئېقىندا ئېكولوگىيەنى تۈزەشنى مۇكەممەللەشتۈرۈش ئەندىزىسى شەكىللەندى، ناھىيە بازىرىنىڭ دەريا بويى رايونىدا ئىلگىرى - كېيىن بولۇپ مەركىزىي باغچە، شياڭخې ئۆرۈكلۈك باغچىسى، دەريا - كۆل باشلىقى تۈزۈمى باغچىسى قاتارلىق كۆپلىگەن دەريا بويى باغچىلىرى قۇرۇلۇپ، ئاھالىلەر ۋە ساياھەتچىلەر كۈندىلىك ئارام ئېلىش، سەيلە - ساياھەت قىلىپ داكا قىلىشتا ياقتۇرىدىغان جايغا ئايلاندى.