شانلىق 70 يىل　يېڭى مۇساپىدە جاسارەت بىلەن ئىلگىرىلەش

شىنجاڭنىڭ نېفىت - تەبىئىي گاز زاپىسىنى كۆپەيتىش، مەھسۇلات مىقدارىنى ئاشۇرۇش غەيرىتى تولۇپ تاشتى

ئېنېرگىيە خەلق ئىگىلىكىنى يۈرۈشتۈرىدىغان قان. دۆلەتنىڭ ئېنېرگىيە بىخەتەرلىكىگە كاپالەتلىك قىلىش ئۈچۈن، 2019 - يىلى، دۆلەت ئېنېرگىيە ئىدارىسى نېفىت - تەبىئىي گاز زاپىسىنى كۆپەيتىش، مەھسۇلات مىقدارىنى ئاشۇرۇش توغرىسىدا «يەتتە يىللىق ھەرىكەت پىلانى»نى ئوتتۇرىغا قويدى. دۆلەت ئىچى - سىرتىدىكى نېفىت - تەبىئىي گاز كەسپىنىڭ تەرەققىيات قانۇنىيىتىگە ئەمەل قىلىپ، «14 - بەش يىل»دىن بۇيان، شىنجاڭ سىجىل ھالدا چوڭقۇر قاتلاملىق ھەم ئادەتتىن تاشقىرى چوڭقۇر قاتلاملىق نېفىت - تەبىئىي گاز، ئادەتتىن تاشقىرى نېفىت - تەبىئىي گاز ۋە كونا نېفىتلىكنىڭ مەھسۇلاتىنى مۇقىملاشتۇرۇش، يېڭى رايوننىڭ ئىشلەپچىقىرىش ئىقتىدارى قۇرۇلۇشى قاتارلىق كۈچەش نۇقتىلىرىنى بېكىتىپ، نېفىت - تەبىئىي گازنى چارلاش، ئېچىشنى ئومۇميۈزلۈك ئالغا سىلجىتتى.

دۆلەتنىڭ ئېنېرگىيە بىلەن تەمىنلەشتىكى «تۇراقلاشتۇرغۇچ»ىنى مۇستەھكەملەش

«14 - بەش يىل»دىن بۇيان، شىنجاڭ باش شۇجى شى جىنپىڭنىڭ «ئېنېرگىيە تاماق قاچىسىنى جەزمەن ئۆز قولىمىزدا چىڭ تۇتۇش» توغرىسىدىكى مۇھىم يوليورۇقىنىڭ روھىنى ئەستايىدىل ئۆگىنىپ، ئىزچىللاشتۇرۇپ، نېفىت - تەبىئىي گازنى ئاچقۇچ، كۆمۈرنى ئاساس، يېڭى ئېنېرگىيەنى يۆنىلىش قىلىشتا چىڭ تۇرۇپ، يېڭى دەۋردە دۆلەتنىڭ چوڭ تىپتىكى نېفىت - تەبىئىي گاز ئىشلەپچىقىرىش، پىششىقلاش ۋە زاپاس ساقلاش بازىسى، چوڭ تىپتىكى كۆمۈر، كۆمۈر ئېلېكتىر، كۆمۈر خىمىيە سانائىتى بازىسى، چوڭ تىپتىكى شامال ئېلېكتىر بازىسى، دۆلەتنىڭ ئېنېرگىيە بايلىقى قۇرۇقلۇق چوڭ يولىدىن ئىبارەت «ئۈچ بازا، بىر يول» قۇرۇلۇشىنى ئومۇميۈزلۈك ئالغا سىلجىتىپ، ئېنېرگىيە بىلەن ئىشەنچلىك تەمىنلەش ۋە ئىستراتېگىيەلىك كاپالەتلەندۈرۈش ئىقتىدارىنى ئۈزلۈكسىز ئۆستۈرۈپ، دۆلەتنىڭ ئېنېرگىيە بىخەتەرلىكىنى پۇختا تىرەك بىلەن تەمىنلىدى.

ئەمەلىي كۈچ تېز سۈرئەتتە يېڭى يۈكسەكلىككە كۆتۈرۈلدى

ھوسۇل ئېلىش پەسىلى يېتىپ كەلدى، پاختا يىغىش ماشىنىلىرى دالىدا توختىماي مەشغۇلات قىلىپ، كېۋەز شادىلىرىدىكى غوزەك - غوزەك پاختىلارنى يىغىۋېلىپ، تايلانغان ئاپئاق پاختىلارنى چىقارماقتا ئىدى. بۇ مول ھوسۇل مەنزىرىسى خۇددى «14 - بەش يىل» مەزگىلىدىكى شىنجاڭنىڭ تەرەققىياتىغا ئوخشايدۇ − يىرىك پىلان نىشان، تۈر سۈپەتلىك ئۇرۇقلۇق قىلىنىپ، يېڭىلىق يارىتىش ئارقىلىق ئەجىر سىڭدۈرۈلۈپ، تىيانشاننىڭ جەنۇبى - شىمالىدا ئۈمىد ئۇرۇقى چېچىلىپ، نەتىجە ھاسىل قىلىندى. «14 - بەش يىل»دىن بۇيان، شىنجاڭ جەمئىيەت مۇقىملىقى ۋە ئەبەدىي ئەمىنلىك باش نىشانىنى مەھكەم ئىگىلەپ، دۆلەت ئومۇملۇقىدىكى ئىستراتېگىيەلىك ئورۇن بېكىتمىسىنى چىڭ كۆزلەپ، خەلق تۇرمۇشىغا زىچ يېقىنلىشىپ، يۇقىرى سۈپەتلىك تەرەققىياتقا تۈرتكە بولدى، ئىقتىساد ئومۇمىي مىقدارى 2 تىرىليون يۈەنلىك يېڭى پەللىگە كۆتۈرۈلۈپ، ئۇنىۋېرسال ئەمەلىي كۈچى كۆرۈنەرلىك يۈكسىلىپ، يۇقىرى سۈپەتلىك تەرەققىيات پۇختا ئالغا سىلجىتىلدى.

ئىستراتېگىيەلىك ئورۇننى چىڭ كۆزلەپ، تەرەققىيات كوردىناتىنى دەل جايىدا ئىگىلەش

«14 - بەش يىل»نى ئەسلەپ، «15 - بەش يىل»غا نەزەر سالساق، شىنجاڭدىكى ھەر مىللەت خەلق زور ئىشەنچ، تولۇپ تاشقان ئىپتىخارلىق تۇيغۇسى بىلەن، باش شۇجى شى جىنپىڭ كۆرسىتىپ بەرگەن يۆنىلىشنى بويلاپ، يېڭى دەۋردىكى پارتىيەنىڭ شىنجاڭنى ئىدارە قىلىش تەدبىرىنى تولۇق، دەل جايىدا، ئومۇميۈزلۈك ئىزچىللاشتۇرۇپ، جۇڭخۇا مىللىتى ئورتاق گەۋدىسى ئېڭىنى مۇستەھكەملەش، جۇڭخۇا مىللىتى ئورتاق گەۋدىسى قۇرۇلۇشىنى ئالغا سىلجىتىشنى زىچ چۆرىدەپ، مەركەز بېكىتىپ بەرگەن «بەش چوڭ ئىستراتېگىيەلىك ئورۇن بېكىتمىسى»نى چىڭ كۆزلەپ، تىرىشىپ سوتسىيالىستىك زامانىۋىلاشقان شىنجاڭ قۇرۇپ چىقماقتا.

قوشاملىق ئۆيدىن ئەمىن ئۆيگىچە

2024 - يىلى، شىنجاڭ شەھەر - يېزا يەر تەۋرەشكە چىداملىق ئەمىن ئۆي قۇرۇلۇشىنى ئون چوڭ خەلق تۇرمۇشى ئەمەلىي ئىشى قاتارىغا كىرگۈزۈشنى ئالغا سىلجىتىپ، نۇقتىلىق ھالدا يەر تەۋرەش قاتارلىق تەبىئىي ئاپەتلەر ئاسان، كۆپ يۈزبېرىدىغان رايونلاردىكى يەر تەۋرەشكە چىداملىق بولۇش ئۆلچىمىگە، مۇداپىئە كۆرۈش ئۆلچىمىگە يەتمىگەن ئۆيلەرنى چىداملىق قىلىپ ئۆزگەرتتى، پۈتۈن بىر يىلدا يەر تەۋرەش نۇقتىلىق خەتەرلىك رايونلىرىدىكى 24 مىڭ 200 ئائىلىلىك ئۆينى يەر تەۋرەشكە چىداملىق، ئاپەتتىن مۇداپىئەلىنىدىغان يېزا تۇرالغۇ قۇرۇلۇشى بويىچە بىرمۇبىر تەكشۈرۈپ ھەم چىداملىق قىلىپ سېلىپ، ھەر مىللەت ئاممىنىڭ ئەمىن ئۆيدە ئولتۇرۇشى، ئولتۇراقلىشىشقا ماس كېلىدىغان جايدا ئولتۇرۇشىغا ھەقىقىي كاپالەتلىك قىلدى.