باش شۇجى شى جىنپىڭ شىنجاڭدىكى ھەر مىللەت خەلق بىلەن قەلبداش

خەلق تۇرمۇشى بەخت - سائادىتى سىجىل ئاشتى

پارتىيە 18 - قۇرۇلتىيىدىن بۇيان، شىنجاڭ خەلقنى مەركەز قىلغان تەرەققىيات ئىدىيەسىدە چىڭ تۇرۇپ، يېڭى تەرەققىيات ئىدىيەسىنى تولۇق، دەل جايىدا، ئومۇميۈزلۈك ئىزچىللاشتۇرۇپ، يۇقۇمنىڭ ئالدىنى ئېلىش - تىزگىنلەش بىلەن ئىقتىساد، جەمئىيەت تەرەققىياتىنى بىرتۇتاش پىلانلاپ، تەرەققىيات بىلەن خەۋپسىزلىكنى بىرتۇتاش پىلانلاپ، تەرەققىيات نەتىجىلىرى ئارقىلىق خەلق تۇرمۇشىغا نەپ يەتكۈزۈش، كىشىلەر قەلبىنى مۇجەسسەملەشكە تۈرتكە بولدى. جەمئىيەت قۇرۇلۇشى ئومۇميۈزلۈك كۈچەيتىلىپ، خەلق تۇرمۇشى ھەر تەرەپلىمە ياخشىلىنىپ، جەمئىيەت ئىدارە قىلىشنىڭ ئىجتىمائىيلىشىش، قانۇنچىللىشىش، ئەقلىي ئىقتىدارلىشىش، كەسىپلىشىش سەۋىيەسى زور دەرىجىدە ئۆستۈرۈلدى. ھازىرقى شىنجاڭدا جەمئىيەت ئومۇمىي ۋەزىيىتى مۇقىم، خەلق خاتىرجەم ياشاپ خۇشال - خۇرام ئىشلىمەكتە، تىيانشاننىڭ جەنۇبى - شىمالىنىڭ ھەممە يېرىدە تىنچ، ئىناق بولغان، جۇش ئۇرۇپ راۋاجلىنىۋاتقان يېڭى كەيپىيات بارلىققا كەلدى.

باھار يامغۇرىدەك قەلبلەرنى ياشنىتىش

پارتىيە 18 - قۇرۇلتىيىدىن بۇيان، يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ كۈچلۈك رەھبەرلىكىدە، شىنجاڭ قەتئىي بوشاشماي شى جىنپىڭ يېڭى دەۋر جۇڭگوچە سوتسىيالىزم ئىدىيەسى بىلەن قەلب ۋە روھنى مۇجەسسەملەپ، سوتسىيالىستىك يادرولۇق قىممەت قارىشىنى يېتىلدۈرۈپ ۋە ئەمەلدە كۆرسىتىپ، جۇڭخۇا مىللىتى ئورتاق گەۋدىسى ئېڭىنى مۇستەھكەملەش خىزمىتىنى ئەمەلىي، جانلىق، ئۈنۈملۈك ياخشى ئىشلەپ، شىنجاڭنى مەدەنىيەت ئارقىلىق ئوزۇقلاندۇرۇشنى چوڭقۇر قانات يايدۇرۇپ، جۇڭخۇا مىللىتىنىڭ ئورتاق مەنىۋى ماكانىنى بەرپا قىلدى. بۇ 10 يىلدا، شىنجاڭنىڭ ئاممىۋى مەدەنىيەت مۇلازىمەت سىستېمىسى كۈنسېرى مۇكەممەللىشىپ، مەنىۋى مەدەنىيەت مەھسۇلاتلىرى بىلەن تەمىنلەش سۈپىتى كۆرۈنەرلىك ئۆسۈپ، ھەر مىللەت ئاممىنىڭ مەنىۋى مەدەنىيەت ئېھتىياجى ئۈزلۈكسىز قاندۇرۇلۇپ، ئۇيۇشۇش كۈچى، مەركەزگە ئىنتىلىش كۈچى ئىنتايىن زور دەرىجىدە ئېشىپ، يېڭى دەۋردىكى شىنجاڭنىڭ تەرەققىي قىلىپ ئالغا بېسىشىنى ئىدىيەۋى كاپالەت ۋە مەنىۋى ھەرىكەتلەندۈرگۈچى كۈچ بىلەن تەمىنلىدى.

سىياسەت راۋان، خەلق ئىناق بولغان يېڭى كەيپىيات نامايان بولدى

پارتىيە 18 ـ قۇرۇلتىيىدىن بۇيان، يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ ئىتتىپاقلاشتۇرۇپ يېتەكلىشىدە، شىنجاڭ جۇڭگوچە سوتسىيالىستىك سىياسىي تەرەققىيات يولىدا قەتئىي تەۋرەنمەي ماڭدى، بۈگۈنكى كۈندە، تىيانشاننىڭ جەنۇبى ـ شىمالىدا سىياسەت راۋان، خەلق ئىناق، تىنچ ـ تەرتىپلىك بولغان يېڭى كەيپىيات نامايان بولدى.

يۇقىرى سۈپەتلىك تەرەققىيات يېڭى سەھىپىسىنى پۈتۈش

پارتىيە 18 - قۇرۇلتىيىدىن بۇيان، يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ كۈچلۈك رەھبەرلىكىدە، شى جىنپىڭ يېڭى دەۋر جۇڭگوچە سوتسىيالىزم ئىدىيەسىنىڭ يېتەكچىلىكىدە، شىنجاڭ ئىقتىسادىي تەرەققىياتىدا تارىخىي خاراكتېرلىك بۆسۈشنى قولغا كەلتۈردى: 2021 - يىلى، شىنجاڭنىڭ رايون ئىشلەپچىقىرىش ئومۇمىي قىممىتى 1 تىرىليون 600 مىليارد يۈەنگە يېقىنلىشىپ، 2012 - يىلىدىكى 740 مىليارد يۈەندىن بىر ھەسسە قاتلاندى؛ يىپەك يولى ئىقتىساد بەلبېغى يادرولۇق رايونى قۇرۇلۇشىنى پۇختا ئالغا سىلجىتىپ، سىرتقا ئېچىۋېتىش چوڭ يولىنى دەسلەپكى قەدەمدە شەكىللەندۈردى؛ مۇتلەق نامراتلىق مەسىلىسىنى تارىخىي خاراكتېرلىك ھەل قىلىپ، پۈتۈن مەملىكەت بىلەن بىرلىكتە ئومۇميۈزلۈك ھاللىق جەمئىيەت قۇرۇپ، سوتسىيالىستىك زامانىۋىلاشقان قۇدرەتلىك دۆلەتنى ئومۇميۈزلۈك قۇرۇشنىڭ ئىككىنچى 100 يىللىق كۈرەش نىشانىغا قاراپ چوڭ قەدەم بىلەن ئىلگىرىلىدى.

تەرەپ - تەرەپتىن ئىختىساسلىقلارنى توپلاپ گۈزەل شىنجاڭ قۇرۇپ چىقىش

پارتىيە 18 - قۇرۇلتىيىدىن بۇيان، ئاپتونوم رايونلۇق پارتىيە كومىتېتى باش شۇجى شى جىنپىڭنىڭ يېڭى دەۋردىكى ئىختىساسلىقلار خىزمىتىنى ياخشى ئىشلەش توغرىسىدىكى مۇھىم ئىدىيەسىنى يېتەكچى قىلىشتا چىڭ تۇرۇپ، يېڭى دەۋردىكى ئىختىساسلىقلار كۈچلۈك رايونى ئىستراتېگىيەسىنى چوڭقۇر يولغا قويۇپ، «يېڭى دەۋردىكى ئىختىساسلىقلار خىزمىتىنى كۈچەيتىش ۋە ياخشىلاش توغرىسىدىكى يولغا قويۇش پىكرى» «ئاپتونوم رايوننىڭ ئىختىساسلىقلار تەرەققىياتىنىڭ <14 - بەش يىل>لىق يىرىك پىلانى»نى تۈزۈپ يولغا قويۇپ، مىسلىسىز مۇھىم پۇرسەتنى چىڭ تۇتۇپ، رايون ئالاھىدىلىكىگە ئىگە ئىختىساسلىقلارنى تەرەققىي قىلدۇرۇش يولىدا ياخشى مېڭىشتىكى يول ۋە ئۇسۇللارنى تەتقىق قىلىپ، يۇقىرى قاتلاملىق، جىددىي ئېھتىياجلىق، كەمچىل بولۇۋاتقان ئىختىساسلىقلاردىن جەمئىي 38 مىڭنى كىرگۈزۈپ، 10 مىليارد يۈەنلىك ئىختىساسلىقلار تەرەققىيات فوندىنى تەسىس قىلىپ، يىراق - يېقىندىن كەلگەن ئىختىساسلىقلارنى ئىشلىتىش مۇھىتى يارىتىپ، تۈرلۈك ئىختىساسلىقلارنى ئىجاد قىلىش ھاياتىي كۈچىنى تىيانشاننىڭ جەنۇبى - شىمالىدا بەس - بەستە ئۇرغۇتۇپ، ئەقىل - پاراسىتىنى تولۇق جارى قىلدۇرۇپ، گۈزەل شىنجاڭنى ئورتاق قۇرۇپ چىقىش ئىمكانىيىتىگە ئىگە قىلدى.